Loading... आजः बिहिबार, असार १०, २०७८
Trending

मन्त्रिपरिषद्को बैठक बस्दै, लकडाउन एक साता थपिने तयारी


काठमाडौं । कोरोना भाइरस नियन्त्रणको लागि लकडाउन बढाउने आवश्यक निर्णय गर्न मन्त्रिपरिषद्को बैठक आज बस्दैछ ।

मुख्यसचिव लोकदर्शन रेग्मी नेतृत्वको उच्चस्तरीय कार्यदलले थप एक साता सिफारिस गरेपछि आवश्यक निर्णय गर्न मन्त्रिपरिषद्को बैठक बस्न लागेको हो ।

बैठकले कार्यदलले सिफारिस गरेको आधारमा लकडाउन बढाउने तयारी गरेको छ । कोरोना भाइरसको संक्रमण फैलन नदिन भन्दै सरकारले चैत्र ११ गतेदेखि तीन पटकसम्म थपेको लकडाउन सोमबार सकिदैछ ।

सो लकडाउन सकिनुअघि नै सरकारले आवश्यक निर्णय गर्न लागेको हो । यसका लागि दिउँसो २ मन्त्रिपरिषद् बैठक आह्वान गरिएको एक मन्त्रीले जानकारी दिए ।

‘लकडाउनका विषयमा भारतले गर्ने निर्णय र त्यहाँको संक्रमणको अवस्थालाई ध्यानमा दिएर मात्र निर्णय हुनसक्नेछ,’ उनले भने ‘अन्यथा लकडाउनका विषय तत्काललाई पुनरविचार हुन सक्ने अवस्था छैन ।’

यसअघि शनिबार बसेको कोरोना भाइरस रोकथाम तथा नियन्त्रण उच्चस्तरीय समन्वय समितिको बैठकले हवाई उडानलाई थप १५ दिन प्रतिबन्ध लगाउँदै जेठ २ गतेसम्मका लागि र्पुयाइसकेको छ ।

सरकारलाई विज्ञहरु तथा संसदीय समितिले कोरोना भाइरसको प्रभाव क्षेत्र बर्गिकरण गरेर लकडाउन खुकुलो बनाउन सुझाव तथा निर्देशन दिए पनि अहिल्यै त्यस्तो गरे अवस्था नियन्त्रणबाहिर जान सक्ने भन्दै उच्चस्तरीय समिति र कार्यदलमा तत्कालै लकडाउन खुकुलो पार्न नहुने आवाज उठेको थियो ।


ताजा समाचार