Loading... आजः आइतवार, मंसिर १४, २०७७
Trending

इन्स्योरेन्स कम्पनी द्धारा बिमा रकम हस्तान्तरण


जाजरकोट ४, असोज ।जाजरकोटको नलगाड नगरपालिका ११(साविक रग्दा ९)जाजरकोटका दिप बहादुर नेपाली लाई सुर्यालाइफ इन्सोरेन्स कम्पनीले बिमा रकम हस्तान्तरण गरेको छ । बिमित संगिता परियारको कालगतिलेमृत्यु भएपछि कम्पनीले बिमा रकम हस्तान्तरण गरेको हो ।

मृतक परियारले एक बर्षपहिले कम्पनीमा सुर्या संरक्षित सावधिक जीवनविमा योजना अन्तर्गत बिमा गरेकि थिइन । रु १लाखको सुर्या संरक्षित सावधिक जीवन विमा गरेकी संगिता परियारको गत कार्तिक महिनामाएक्कासी मृत्यु भएको थियो । ७हजार ९८ रुपैया मात्र प्रिमियम रकम बुझाएकि मृतक संगिताको मृत्युपछि उनका श्रीमान दिप बहादुर परियारलाई ९७,४०२। अक्षररुपी ९७ हजार ४ सय २ को चेक नलगाड न.पा.को कार्यालय जाजरकोटमा नगर प्रमुख टेक वहादुर रावलले हस्तान्तरणगरेको कम्पनीका जाजरकोट शाखा प्रमुख सरस्वती गिरीले बताइन ।

मृतक संगिता परियारको श्रीमान दिप वहादुर नेपालीलाई नलगाड न.पा.को कार्यालय दल्लीमागइ बिमा रकमको चेक हस्तान्तरण गरिएको हो । रकम प्राप्त गरेपछि श्रीमतीले समयमा बिमा गरेकोले आफुलाइ पिडाको घाउमा मलम लगाउने काम कम्पनीले गरेको बताए । जीवनको कुनै भरोसा हुदैन सबैले बिमा गरे दुःखको बेला आश्रित परिवारले राहत पाउने अबसर आउदो रहिछ उनले भने ।


ताजा समाचार