प्रकाश किरणका गजल : उस्ले मध्यरातमा जिन्दगी सकिदियो

१.गजल

रहरै रहरमा जिन्दगी सकिदियो ।
उस्ले तिम्रै भरमा जिन्दगी सकिदियो ।

तिमीले दिएको पीडा सहन नसकेरै,
उस्ले मध्यान्तरमा जिन्दगी सकिदियो ।

प्रेमको आजादीका लागि आशिकले,
गुलाबको अधरमा जिन्दगी सकिदियो ।

मुसाफिर बनेर हिडेको किरणले पनि,
काडाको सफरमा जिन्दगी सकिदियो ।

२.गजल

मायामा पनि अलिकति सिमा राखी दिनुस् ।
उ पाहुना हो पाहुनाकै सुचीमा राखी दिनुस् ।

जिन्दगी जिन्दगी जस्तो बनाउनु हुन्छ भने,
दुश्मनलाई आफ्नो छातीमा राखी दिनुस् ।

छोरोको मृत्युमा बिक्षिप्त आमाले भनिन् ,
भगवान् उस्लाई यो ढुकढुकीमा राखी दिनुस् ।

दिल्मा अटाउनै नसकेको यो किरणलाई,
हजुरहरुका आँखाका नानीमा राखी दिनुस् ।।

३. गजल

अलिकति गुनासो अलिकति डर आइरन्छ ।
उ भित्रको मान्छे मरेको खबर आइरहन्छ ।

दोहोरिने डरले मलाई काफियामै राख्यौ ,
को हो त्यो जो रदिफमा अक्सर आइरहन्छ ।

तिम्रो माया पनि त मुसाफिर जस्तै रहेछ ,
दिनहुँ गन्तव्य फेरेर सकभर आइरहन्छ ।

हामी छुट्टिएको बर्षौ भैसके जस्तो लाग्छ ,
र पनि अझै यादहरुको लस्कर आइरहन्छ ।।

https://www.youtube.com/watch?v=aw2lacfFk-o

४.गजल

सिकायत गरेको हु मैले थानासङ्ग ।
आजित भएपछि तिम्रा बाहानासङ्ग ।

उनी एक पागल प्रेमिका हुन ,
भेटाइदिनुस् उन्कै दिवानासङ्ग ।

आफ्नै छिमेकीहरु शत्रु बनेपछी ,
बहुत प्यार बढेकोछ सिमानासङ्ग ।

अङ्ग भङ्ग भएको एउटा मजदुरले आज,.
आफ्नै मूल्य मागिरहेछ कारखानासङ्ग ।

बा–आमा जलेको खरानी सङ्गाले देखि,
कुनै मोह छैन मलाई यी खजानासङ्ग ।

५.गजल

थाप्लोमा नाम्लो पिठ्युँमा सधै भारी राखेकोछ ।
भरियाले यसरी नै जीवन सिङ्गारी राखेकोछ ।

चिचिला रहरहरुको सप्ना साकार पार्नकै लागि,
बाबुले साहुकोमा बन्दगी घरबारी राखेकोछ ।

दुई मनको जङ्घार बढेको दिन देखि नै प्रिया,
समयले तिमीलाई वारि मलाई पारी राखेकोछ ।

बर्षौ पहिले तिम्रो मायामा पागल प्रेमीेले अझै,
क्यान्भासमा तिम्रै तस्वीर उतारी राखेकोछ ।

सुन्नुस् दिल्को धड्कन हेर्नुस् किरणका आँखाहरुमा,
कसैका लागि उस्ले दिल्को दैलो उघारी राखेकोछ ।

प्रकाश किरण
भेरी नगरपालिका ९, जाजरकोट
हाल : शिद्धिचरण न.पा ११, ओखलढुंगा