Loading... आजः आइतवार, कार्तिक ९, २०७७

बुढा, एक्लै नमर्नु है, सँगै मरौंला भन्दै यसरी चुडायो पहिरोले सँगै बाचँने सपना


जाजरकोट,२२ साउन । ‘ओइ बुढा एक्लै नमर्नु है, सँगै मरौंला । छोरीहरु कता छन, म त मर्न लागें, तपाईंलाइ कस्तो छ’, आइतबार बिहान भेरी नगरपालिका–३ ठाँटीबजारस्थित पानीनाउला जाने बाटोको छेउमा पहिरो खसेर पुरिएकी सितला लुहारको अन्तिम क्षणको बोली हो यो । पहिरोले उनीसहित उनका श्रीमान् लालबहादुर लुहार र तीन छोरीलाई पनि पुरेको थियो । पुरिएकै अवस्थामा उनले श्रीमान् लालबहादुरसँग भनेकी थिइन, ‘यहाँबाट मलाइ निकाल्ने कोसिस गर्नुस् बरु गाउँकै घरमा गइजाउँला ।’

उनी एकोहोरो बोलिरहेकी थिइन, ‘कोही बचाउन आउँछन् कि अलि जोडले कराउनुस् है, ढिला भए मरिन्छ फेरि ।’

पहिरोले घर पुरिँदा चेपिएर आधा घन्टासम्म जीवितै भए पनि उद्धारको अभावमा ज्यान गुमाएकी भेरी नगरपालिका ६ गंगटियाकी सितलाले आफू जीवित रहँदासम्म तीन छोरी र श्रीमान्को मात्रै चिन्ता गरिरहेकी थिइन्। सितलाले जति बोले पनि भत्किएको कोठाको कुनामा काठले चेपिएका लालबहादुरले घाइते श्रीमतीको कुरा सुन्नबाहेक केही गर्न सकेनन्। श्रीमतीको पीडायुक्त बोली मिसिएको सुनेर गाउँलेसँग गुहार माग्न धेरै कोसिस गरे उनले तर गाउँलेको कानमा आवाज पुग्न सितलाले उनकै काखमा प्राण त्यागिसकेकी थिइन्।


ताजा समाचार