Loading... आजः बिहिबार, कार्तिक ६, २०७७

कर्णाली प्रिमियर लिग टि-२० प्रतियाेगीता हुने

सुर्खेत । प्रदेश नम्बर ६ को राजधानी सुर्खेतमा इतिहासमै पहिलो पटक रास्ट्रिय स्तरको क्रिकेट प्रतियोगिता कर्णाली प्रिमियर लिग टि-२० आयोजना हुने भएको छ।

बन्धु विकास सहकारी संस्थाले आयोजना गर्न लागेको टि-२० प्रतियोगितामा देशभरका १० राष्ट्रिय स्तरका क्लबहरुको सहभागिता रहनेछ। जेष्ठ ४ गते देखि १२ गते सम्म सुर्खेतको कालिन्चोक क्रिकेट मैदानमा प्रतियोगिताको सम्पूर्ण खेलहरु खेलिनेछ।

सुर्खेतमा बिहिबार आयोजित पत्रकार सम्मेलनमाझ प्रतियोगिताको घोषणा गरिएको हो। आयोजक बन्धु विकास सहकारी संस्थाले कर्णाली प्रदेशमा क्रिकेट गतिविधि सुन्य अवस्थामा रहेको र यस क्षेत्रमा क्षमतावान खेलाडीहरुको पहिचान होस् भन्नको लागि प्रतियोगिता आयोजना गर्न लागेको आयोजकले बताएको छ।

रुस्लानले मुख्य प्रायोजन गर्ने प्रतियोगिताको बिजेताले रु. ३ लाख , उपविजेताले रु. १ लाख ५० हजार प्राप्त गर्नेछ। यस्तै प्रत्येक खेलको म्यान अफ द म्याचले रु. २ हजार ५०० प्राप्त गर्नेछ भने प्रतियोगिताको उत्कृस्ट खेलाडीले रु. २५, हजार र उत्कृस्ट बलर तथा ब्याट्सम्यानले रु. १० हजार प्राप्त गर्ने घोषणा गरिएको छ। यस्तै प्रत्येक दिन खेल हेर्ने दर्शक मध्ये भाग्यमानी १ जनालाई १ हजार रुपैयाँ समेत प्रदान गरिनेछ।

प्रतियोगिता लिग-कम नक-आउट फर्म्याटमा आयोजना हुनेछ जसमा सहभागी हुने १० टिमलाई २ वटा समुहमा बिभाजन गरि समुहमा प्रत्येकले एक-अर्कासंग १-१ खेल खेलेपछि समुहको उत्कृस्ट-२ टिमले सेमीफाइनलमा स्थान बनाउने प्रतियोगिता संयोजक रेशम शाहीले जानकारी गराएका छन्। खेलहरु आईसीसीको नियम अनुसार खेलाइने छ।

प्रतियोगितामा सहभागी हुने प्रत्येक टिमको आवास र खानाको व्यवस्था आयोजकलेनै गर्ने समेत संयोजक शाहीले बताएका छन्। न्यु ज्वाला ट्रेडर्स एण्ड जेनरल अर्डर सप्लायर्स सुर्खेत सह-प्रायोजकका रुपमा रहने प्रतियोगिताको हस्पिटल पार्टनर देउती हस्पिटल रहनेछ।

सुर्खेतमा यति ठुलो प्रतियोगिता आयोजना हुन लागको यो नै पहिलो पटक हो। राष्ट्रिय स्तरका ख्यातिप्राप्त खेलाडीहरुको सहभागिता रहने हुनाले प्रतियोगिता कर्णाली प्रदेशमै ऐतिहासिक र महत्वपूर्ण हुने बिश्वास आयोजक बन्धु विकास सहकारी संस्थाले गरेको छ।


ताजा समाचार