Loading... आजः बिहिबार, कार्तिक १३, २०७७

विश्वशान्तिका लागि अन्तराष्ट्रिय स्तरको मुस्लिम धार्मिक प्रचवन नेपालगंज हुदै


बाँके, ९ असोज । विश्वशान्तिको कामना गर्दै दाउते इस्लामी नेपालको आयोजना नेपालगंजमा अन्तराष्ट्रिय स्तरको मुस्लिम धार्मिक प्रचवन कार्यक्रम आज बिहीबारबाट सञ्चालन हुने भएको छ ।

विश्वमा बढ्दै गइरहेको बेरोजगारी अमानवियता र अशान्तिविरुद्ध धार्मिक चिन्तनद्वारा विश्वमा भाइचारा, अमनचयन, शान्ति कायम गर्ने उद्देश्यले आयोजित कार्यक्रममा दाउते इस्लामीका केन्द्रीय अध्यक्ष हाजी मौलाना इमरान अत्तारी, केन्द्रीय सदस्य अब्दुल हबीब अत्तारीले कार्यक्रमलाई सम्बोधन गर्ने अन्तराष्ट्रिय धार्मिक कार्यक्रमका संयोजक सैयद रिहान अत्तारीले बताएका छन् ।

भारत, बंगलादेश, पाकिस्तानका साथै ८ वटा देशका मुस्लिमहरुको धार्मिक प्रवचन कार्यक्रममा सहभागिता रहने दाउते इस्लामी नेपालका अध्यक्ष रमजान मियाले बताए । मिया अनुसार ४ दिन सम्म चल्ने धार्मिक प्रवचनका लागि सम्पूर्ण तयारी पूरा भएको बताउदै बाहिरी देशबाट आउने धार्मिक गुरुहरुका लागि स्थानीय प्रशासनले सुरक्षा प्रदान गरेको बताएका छन् ।

हजारौको संख्यामा भारतबाट दाउते इस्लामीका सदस्यहरु भारतीय प्रह्रीको कडा चेकजाँच पश्चात मंगलबार नेपालगंज आइपुगेकाछन् । आज बिहिबार १ बजे देखि धार्मिक प्रवचन सुरु हुदै छ । उक्त धार्मिक प्रचवन इस्लामिक धार्मिक मदनी च्यानल पाकिस्तानबाट प्रत्यक्ष प्रसारण गरिने भएको छ ।


ताजा समाचार